Lajme
Qeveria zvicerane dëshiron të reduktojë rritjen e buxhetit të ushtrisë

Qeveria ka zbuluar idetë e saj të kursimeve për buxhetin e vitit 2024, duke përfshirë një rritje më të vogël se sa ishte planifikuar në shpenzimet ushtarake.
Planet para-buxhetore të shpallura të mërkurën vijnë si përgjigje ndaj rreth 2 miliardë CHF në shpenzime të reja të vendosura nga Parlamenti, dhe për të cilat qeveria është e shqetësuar se mund të krijojnë një deficit në arkat e shtetit, përcjell albinfo.ch.
Një planifikim i tillë i shpenzimeve, i vendosur verën e kaluar nga parlamentarët, ishte një rritje progresive në shpenzimet vjetore ushtarake, nga 5.6 miliardë CHF, në 7 miliardë CHF deri në vitin 2030.
Pas pushtimit rus të Ukrainës, ky vendim synonte të rriste gradualisht buxhetin e ushtrisë për të arritur të paktën 1% të prodhimit të brendshëm bruto zviceran.
Qeveria tani dëshiron të shkurtojë zgjerimin e planifikuar me 300 milionë CHF në 2024, 500 milionë CHF në 2025 dhe deri në 800 milionë CHF në 2026. Për ministrat, kjo ende paraqet një rritje prej rreth 3% në vit krahasuar me shpenzimet aktuale.
Politikani i Partisë Popullore, Werner Salzmann, tha të enjten se vendimi i qeverisë ndoqi “rrugën e rezistencës më të vogël dhe nuk mori parasysh në asnjë mënyrë vendimin e Parlamentit”.
Salzmann, i cili mbikëqyr Komisionin e politikave të sigurisë në Senat, tha se vendimi do të vononte planet e modernizimit të ushtrisë dhe se planet e saj të prokurimit për vitet e ardhshme do të duhej të rivlerësoheshin të gjitha. Ai tha se qeveria duhet të bëjë shkurtime diku tjetër, përcjell tutje albinfo.ch.
E-Diaspora
-
Pijet alkoolike të pesë kompanive nga Kosova promovohen në Gjermani Panairi “ProWein 2023” njihet si një ndër panairet që ofron gamën më të madhe në botë...
-
Pedagoge në Universitetin e Francës, u refuzua në vendlindje
-
Peci: Mërgata kosovare ka gastronomë të suksesshëm në gjithë Evropën
-
Deputeti shqiptar i Suedisë shpëton jetën e një fëmije në Mal të Zi
-
Haradinaj viziton strukturat e AAK-së në Zvicër
Jeta në Zvicër
-
S’ka bonuse për drejtuesit e Credit Suisse Qeveria federale ka vendosur të pezullojë bonuset e menaxhmetit të Credit Suisse. Sipas Ligjit për Bankat,...
-
Zvicër: Identifikohet rasti i tretë i gripit të shpendëve
-
Tregtari i kuajve dënohet me tetë muaj burgim për mizori ndaj kafshëve
-
Zvicra duhet të mbështesë Ukrainën me të paktën pesë miliardë franga
-
Rrahet rëndë një nxënëse 12-vjeçare në Zvicër