Lajme
Qytetet më të mira punë-jetë: Në top 10, edhe 3 zvicerane
Sipas studimit, Oslo, kryeqyteti i Norvegjisë, është qyteti më i mirë në botë për një ekuilibër të shëndetshëm punë – jetë
Software Kisi përpiloi klasifikimin e 100 qyteteve më të mira në botë për vitin 2022, bazuar në të dhënat që krahasojnë “intensitetin e punës, mbështetjen institucionale, legjislacionin dhe cilësinë e jetës”, në kontekstin aktual të inflacionit të lartë dhe pasojave të pandemisë dhe luftës ruso-ukrainase.
Sipas studimit, Oslo, kryeqyteti i Norvegjisë, është qyteti më i mirë në botë për një ekuilibër të shëndetshëm punë – jetë, duke u ngjitur në vendin e parë (nga i dyti vitin e kaluar), transmeton albinfo.ch.
Kisi thotë se punonjësit në Oslo marrin mesatarisht 25 ditë pushimesh në vit dhe 707 ditë leje lindje të paguara, shkruan Monitor.
Faktorë të tjerë që ndikuan në rezultatin e përsosur përfshijnë kujdesin e mirë shëndetësor, cilësinë e lartë të ajrit dhe mundësinë për të punuar në distancë.
Ndër dhjetë të parat, gjashtë janë qytete evropiane; ndër 30 vendet e para në klasifikim, thuajse një e treta janë qytete gjermane.
Në vendin e dytë ndodhet Berna, kurse në vendin e katërt Cyrihu. Gjeneva ndodhet në vendin e gjashtë.
Qyteti amerikan i renditur më lart është Seattle (32), ndërsa qyteti aziatik, Tokio (14).
Ndër faktorët e tjerë të marrë në konsideratë nga Kisi përfshijnë përqindjen e njerëzve që bëjnë shumë punë, ditët e pushimeve, barazinë gjinore, aksesin në hapësirat e jashtme, nivelin e jetesës etj.
10 qytetet më të mira në botë për ekuilibrin punë – jetë
- Oslo, Norvegji
- Bernë, Zvicër
- Helsinki, Finlandë
- Cyrih, Zvicër
- Kopenhagë, Danimarkë
- Gjenevë, Zvicër
- Otava, Kanada
- Sidney, Australi
- Shtutgart, Gjermani
- Munih, Gjermani
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën