Bota
Qyteti fantazmë në Itali, mbyllen dyqanet, baret e restorantet
Frika e koronavirusit e ka shndërruar praktikisht në një qytet fantazëm Codogno-n në veri të Italisë
Rrugët e tij janë shkretuar pas njoftimit se një grua 76-vjeçare vdiq atje prej koronavirusit të ri. Dyqanet, baret dhe restorantet janë mbyllur, ndërsa farmacive u është kërkuar të qëndrojnë hapur në mënyrë që njerëzit të kenë mundësinë të blejnë ilaçe.
“Jam e frikësuar të them të drejtën, sepse kushdo nga ne mund të infektohet. Unë punoj në restorant, kështu që jam kontakt me shumë njerëz”, shprehet Erika, kamariere, transmeton TCH.
“Njerëzit po blejnë masivisht maska, por për fat të keq ato janë duke mbaruar. Shumica vinin nga Kina, e atje maskat po i mbajnë vetë tani, sepse u duhen pasi kanë probleme të mëdha. Farmacitë këtu sidoqoftë janë të hapura, sepse kemi marrë udhëzime që të mos i mbyllim. Edhe ne sigurisht kemi frikë, thjesht urojmë që të mos prekemi nga virusi. Është e qartë se njerëzit duhet të reagojnë sa më shpejt sepse ashtu kanë më shumë shanse të kurohen. Nëse shkojnë në spital në një situatë të dëshpëruar, edhe për mjekët bëhet më e vështirë”, tregon Rosa Cavalli, farmaciste, përcjell albinfo.ch.
Dy vdekjet e shënuara nga virusi kanë bërë që frika e tij të pushtojë veriun e Italisë, ku mjaft qytete kanë mbyllur shkollat e dyqanet në përpjekje për të frenuar përhapjen e sëmundjes. Italia u bë të premten vendi i parë në Evropë që raportoi rast vdekjeje nga Covid 19. Autoritetet shëndetësore atje thonë se ky virus është mjaft i fortë dhe shumë ngjitës, megjithatë, këmbëngulin se situata sot, nuk është ajo e një pandemie.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Sa vlen Zvicra për UBS-në? Banka e madhe po bën aktin balancues midis UBS-së zvicerane me këmbë në tokë dhe UBS-së...
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor