Integrimi
Refugjati nga Kosova, viziton skulpturën me figurën e tij në Suedi
Dokumentari i realizuar për Gëzimin, “Gëzim Rewind” është dokumentari me i suksesshëm, dhe ka marrë shpërblime në disa festivale të filmit në Suedi
Gëzimi këtë të premte pas shumë tentimeve të tij për të vizituar statujë e tij të vendosur në qytetin suedez, Vasterasit ia arriti qëllimit.
Ai qëndroi përballë vetës së tij, por kësaj radhe Gëzimi ishte rritur e bërë burrë e ‘Gëzimi’ në skulpturë ende ishte i pikëlluar dhe mbante dy duart në faqe
Gëzim Dervishi nga Drenica ka udhëtuar më shumë se 3 mijë kilometra për në Suedi, atje ku para 6 vjetësh, autoritetet suedeze në qytetin Vasterasit vendosën skulpturën e tij në shenjë kujtimi për fëmijët shqiptarë që u vranë në luftën e Kosovës, dhe gjithë fëmijët që u traumatizuan nga terrori i ushtrisë serbe, shkruan Kosova Post.
Gëzimi në atë kohë i kishte vetëm 8 vjet kur ishte dëbuar nga Kosova në kampet e refugjatëve në Suedi, përcjell albinfo.ch.
I pikëlluar dhe me duar në faqe është ky imazhi i Gëzimit, i cili bëri që Suedia tash në një nga sheshet e saj, ta ketë Gëzimin, fëmijën e mërzitur nga Kosova që ushtria serbe e dëboi nga shtëpia dhe ai shkoi në Suedi.
Është vetë Gëzimi ai që ka publikuar disa foto nga qyteti i Vasterasit në Suedi me mbishkrimin ‘Sa më gëzim e prita këtë ditë të përqafoj një herë’.
Kosova Post merr vesh se Gëzimi që është një personazh për shtetin suedez deri më tani në mungesë vize nuk ka mundur që të vizitojë skulpturën e tij, edhe pse ishte bërë bujë e madhe mungesa e vizës për të, por regjisori suedez kishte ardhur nga Suedia dhe e kishte vizituar Gëzimin i cili ishte kthyer së bashku me familjen e tij në fshatin Gradicë të Drenasit.
Ndryshe, historia me Gëzimin kishte filluar në vitin 2002, kur regjisori suedez Knutte Wester ishte zhvendosur me studion e tij nga veriu i Suedisë në një nga kampet refugjateve në pjesën qendrore te Suedisë. Atëbotë Gëzim Dervishi 8 vjeçar e vizitonte çdo ditë studion e artistit suedez.
Përjetimet gjatë luftës së Gëzim Dervishit ishin filmuar nga regjisori suedez, Knutte Wester.
Dokumentari i realizuar për Gëzimin, “Gëzim Rewind” është dokumentari me i suksesshëm, dhe ka marrë shpërblime në disa festivale të filmit në Suedi.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Gjykata Federale: I moshuari ka të drejtë për ndihma, edhe pse ka shpenzuar paratë e veta Zyra e kompensimit i kishte refuzuar kërkesën, sepse ai kishte shpenzuar mbi 120,000 franga nga përfitimet...
-
Pse 1 maji nuk është festë publike kudo në Zvicër?
-
Zvicër: Dy trena janë bllokuar në tunelin midis dy stacioneve
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf