Renditja e re e FIFA-s, Kosova me rekord historik

Rekord i ri për Kosovën në FIFA

Kombëtarja e Kosovës ka shënuar një rekord historik në përditësimin më të ri të FIFA-s, pas rezultateve pozitive në kampanjën kualifikuese për Kupën e Botës 2026, përcjell albinfo.ch.

‘Dardanët’ kanë siguruar kualifikimin në ‘play-off’ të Kupës së Botës 2026, pasi u pozicionuan në pozitën e dytë në Grupin B, aty ku për kundërshtarë kishin Zvicrën, Slloveninë dhe Suedinë.

Këtë kampanjë, Kosova e mbylli me tri fitore, dy barazime dhe një humbje, teksa së fundmi mposhti Slloveninë në Ljubljanë ndërsa luajti baras 1-1 me Zvicrën në ‘Fadil Vokrri’.

Këto rezultate pozitive kanë bërë që Kosova të përjetojë një tjetër ngjitje të madhe në ranglistën e UEFA-s, pas asaj në nëntor të këtij viti ku kishin qenë të renditur në pozitën e 84-të, ndërsa tani është ngjitur për katër pozita.

Renditja e re e FIFA-s

Kosova është ngjitur për katër pozita, pra nga ajo e 84-ta dhe tashmë mban vendin e 80-të në renditje duke lënë pas vetes kombëtare si Curaçao, Guinea, Mali i Zi etj.

Shqipëria në ndërkohë ka rënë në dy pozita dhe tashmë gjendet në vendin e 63-të.

Listën e plotë të shteteve me përditësimin më të ri të FIFA-s mund ta gjeni KËTU

---