Lajme

Roland Wiprächtiger: mik i pandashëm i të përndjekurve politik shqiptarë

Njoftim pikëllues për vdekjen mikut të madh të trojeve shqiptare i cili, pas një sëmundjeje të rëndë u nda nga jeta, miku i madh i popullit tonë, Roland Wiprächtiger.

Rolandi ishte një jurist me vetëdije të lartë njerëzore dhe profesionale. Rolandi që nga viti 1981 u bë mik i pandashëm i të përndjekurve politik nga trojet shqiptare. Ai e zgjëroi rrethin e tij shoqëror me të përndjekurit e të gjitha trevave shqiptare. Këtë miqësi Rolandi e ruajti deri në ditët e fundit të jetës së tij. Gjatë gjithë kësaj kohe Rolandi ju përkushtua njëkohësisht thellimit të njohurive për kulturën dhe historinë e popullit shqiptar. Me vetstudim dhe me ndihmën e fjalorëve dhe doracakëve filloi ta mësoj gjuhën shqipe. Njohuritë e tija të gjuhës shqipe i zgjëroi vazhdimisht edhe gjatë qëndrimeve të shpeshta në trojet shqiptare, posaçërisht pas çlirimit të  Kosovës në vitin 1999. Nuk mundi ta vizitoj vetëm Luginën e Preshevës, nga që juristi ishte në dijeni që pushteti serb do ta ndalonte dhe arrestonte.

Gjatë të folurit, Rolandi kujdesej për saktësinë e sajimit dhe origjinalitetin e theksimit të fjalëve dhe fjalive. Në 20 vitet e fundit kur punonte si gjyqtar, në seancat gjyqësore ku nevojitej përkthimi nga gjuha gjermane në gjuhën shqipe dhe ansjelltas, Rolandi e kuptonte plotësisht përmbajtjen e përgjigjeve në gjuhën shqipe. Përkthyeset dhe përkthyesit e ndjenin një kënaqësi të veçant që në fillim të seancës gjyqësore kur Rolandi prezantohej në të dy gjuhët që ishin të nevojshme për mbarvajtjen e suksesshme të senacës gjyqësore. Rolandi e pëlqente edhe muzikën shqiptare të cilën e shikonte përmes kanaleve satelitore në gjuhën shqipe. Disa vite pas penzionimit gjatë një takimi me Rolandin, unë e pyeta personalisht me pyetjen e rendomt, si je Roland. Përgjigja e tij ishte kjo: „ngadal, ngadal po vjen pleqëria, po i qanë hallet qiftelia…

Urna e trupit të Rolandit do të varroset në datën 19.08.2022.

Me respekt të paharruar ndaj Rolandit dhe përkulje të heshtur.

 


LAJME INTERESANTE NGA INTERNETI

 Info rreth ngjarjes

  • Data e fillimit08 Gusht 2022
  • Ora15:00
  • LokacioniKisha St. Michael - Lucernë
  • Data e përfundimit19 Gusht 2022 - 11:00