Tematike
Një roman për “Bijat e Kosovës”, i shkruar nga një autor gjerman
Romani i ri i Hammerthaler "Kosovos Töchter" do të dalë në treg pas disa ditësh. Premiera zyrtare e leximit do të zhvillohet më 1 tetor në Berlin

Ralph Hammerthaler ka prezantuar në Neurupin të landit gjermn Brandenburg librin e tij të ri “Kosovos Töchter” (Bijat e Kosovës).
Ky roman që merret me gratë magjepsëse, anarkike-feministe që duan të pushtojnë Ballkanin, është prezantuar të premten në festivalin e letërsisë së udhëtimeve „Neben der Spur“, shkruan moz.de.
Leximi i “Bijave të Kosovës” para hedhjes së romanit në shitje
Romani i ri i Hammerthaler “Kosovos Töchter” nga shtëpia botuese Quintus do të dalë në treg pak disa ditësh, transmeton albinfo.ch. Premiera zyrtare e leximit do të zhvillohet më 1 tetor në Berlin.
“Kosovos Töchter” ka të bëjë me gra nga vende të ndryshme në Evropën Juglindore që depërtojnë në një parti të quajtur “V.!”, në Kosovë në mënyrë që të përhapin idealet e tyre anarkike-feministe në të gjithë Ballkanin.
Një gjerman i cili kishte shërbyer si ushtar në Kosovë në vitin 1999 udhëton sërish në këtë vend pas gati 20 vjetësh. Ai përpiqet të gjejë një 14-vjeçare të atëhershme të cilën atëbotë e kishte vizituar shpesh dhe kishte bërë miqësi me të, përcjell albinfo.ch. Që atëherë, nuk kishte mundur ta hiqte nga koka fytyrën e asaj vajze.
Romani është pjesërisht fiksion
Një pjesë e romanit të tij është sigurisht fiksion, është shprehur Hammerthaler. Si trillim duhet kuptuar gjithashtu faktin që të gjitha gratë e lëvizjes nëntokësore në rritje brenda partisë mbajnë me vete një kamë (thikë) të stilizuar por që mund të përdoret edhe si armë. Dhe ato (gratë) mund të bëjnë magji.
Hammerthaler thotë se gjithmonë e kishin frymëzuar personazhet e trilluara magjike të Michail Bulgakovit, trasnmeton albinfo.ch. Atëherë pse jo edhe gratë në romanin e tij?
Hammerthaler ka bërë shumë hulumtime në Kosovë për librin e tij. Një herë madje ka qëndruar atje për tre muaj pa ndërprerje. Ai kishte shikuar se ku qëndronin ushtarët gjermanë në Prizren dhe kishte zbuluar se bëhej shaka me “Banjon e Prizrenit”…
Gjatë hulumtimit të tij ai gjithashtu ka takuar shumë gra, tha shkrimtari. Këto “gra feministe në një shoqëri jashtëzakonisht patriarkale” e kanë bindur atë që të mos kufizohet vetëm në të shkruarit rreth një ushtari gjerman që kthehet në Kosovë.
Kur një dëgjues pyeti gjatë seancës së pyetjeve dhe përgjigjeve në fund të leximit nëse këto kama ekzistonin me të vërtetë si një shenjë e një lëvizjeje feministe në Ballkan, Hammerthaler nuk u përgjigj, sepse realiteti i tij qëndron diku tjetër, përcjell atutje albinfo.ch. Kamat sigurisht që janë pjesë e së vërtetës letrare: “Unë uroj që ju ta pëlqeni historinë si të tillë dhe të mos bëni dallimin midis së vërtetës dhe trillimit”.
LAJME INTERESANTE NGA INTERNETI
E-Diaspora
-
Avni Orllati, në listën e 30 migrantëve që kanë krijuar ndërmarrje në Zvicër Një numër i konsiderueshëm i mërgimtarëve shqiptarë kanë arritur suksese në diasporë, duke u bërë emra...
-
Fehr pas kritikave rreth Alba Festivalit: Kam raporte të mira me shqiptarët, ndihem e mirëpritur në festival
-
Gazeta zvicerane pyet: A po diskriminohen shqiptarët në Zvicër?
-
Garë diturie mes nxënësve të Shkollës Shqipe në Zvicër
-
Ambasadorët e tri shteteve konfirmojnë mbështetjen për Rrjetin e Bizneseve të Diasporës Shqiptare në Zvicër
Jeta në Zvicër
-
Ish shefja e Task Forcës zvicerane: Numri i rasteve, shumëfish më i madh se ai që raportohet Por, për ngarkim të sërishëm të madh të sistemit shëndetësor nuk ka rrezik, edhe nëse do...
-
Spitalet e Cyrihut vendosin sërish detyrimin për mbajtje të maskës
-
Zvicra përgatitet për mungesën e gazit
-
Stuhi me shi dhe breshër kanë goditur të enjten disa pjesë të Zvicrës
-
A mund të përballet Zvicra me problemin e ushqimit në të ardhmen?