Rossier: Marrëveshja me Kroacinë kërkon kohë dhe pëlqimin e BE-së

"Bëhet fjalë për një problem që nuk është vetëm i Kroacisë por edhe i BE-së. Janë 28 shtete që duhet të japin miratimin e tyre"

Pas votimit në favor të inciativës kundër migrimit masiv, Qeveria Federale e Zvicrës pati vendosur që të heqë dorë nga nënshkrimi i planifikuar më parë i marrëveshjes për lëvizje të lirë edhe me Kroacinë. Si rezultat i kësaj, Bashkimi Evropian e pati pezulluar pjesëmarrjen e Zvucrës në marrëveshjet tjera, si për shembull atë për hulumtime shkencore “Horizon 2020” dhe për shkëmbimin e studentëve. Në gjedjen që është tash, protokolli në mes të Zvicrës dhe Kroacisë për lëvizjen e lirë është ai që përcakton raportet Zvicër-BE.

Gjatë ditëve të fundit, sekretari shtetëror në Qeverinë e Zvicrës, Yves Rossier ka zhvilluar bisedime në Kroaci për të gjetur një zgjidhje. Por, zgjidhja nuk është aq e lehtë që të arrihet, ka theksuar Rossier duke folur për radion srf.

“Ne kemi kërkuar të gjitha zgjidhjet e mundshme dhe i kemi prezantuar në hollësi pozicionet e të dyja palëve por ky është megjithatë një proces që kërkon kohë. Bëhet fjalë për një problem që nuk është vetëm i Kroacisë por edhe i BE-së. Janë 28 shtete që duhet të japin miratimin e tyre kështu që kjo çështje nuk mund të reduktohet vetëm në qëndrimin e Zagrebit.

Një pohim të tillë e ka bërë së fundi edhe ambasadori i BE-së në Zvcicër, Richard Jones. Sipas tij, Zvicra duhet të njohë marrëveshjen për lëvizje të lirë dhe në veçanti të nënshkruajë marrëveshjen përkatëse me Kroacinë.