Lajme
Rregulla të reja për hyrje në SHBA
Në një njoftim të fundit, është bërë e ditur se prej datës 26 janar 2021 rregullat e hyrjes përmes transportit ajror të udhëtarëve ndërkombëtarë në SHBA do të ndryshojnë. Që prej kësaj date, SHBA-ja do të kërkojë që të gjithë këta udhëtarë të jenë testuar negativë për Covid në tri ditët e fundit përpara nisjes së udhëtimit drejt SHBA-së dhe të jenë të pajisur me dokumentin që verifikon rezultatin ‘Negativ’ të testit, qoftë në formë të shkruar apo elektronike, në mënyrë që ta paraqesin te stafet e linjave ajrore, transmeton albinfo.ch.
Këto stafe do të jenë të detyruar të konfirmojnë që secili udhëtar paraqet një test negativ përpara se t’i lejojnë ata të akomodohen në bordin e avionit dhe do të jenë të detyruar të ndalojnë këdo që nuk paraqet këtë dokument.
Pas mbërritjes në territorin e SHBA-së, udhëtarët janë të detyruar të qëndrojnë për 7 ditë në karantinë, në ambientet ku do të akomodohen dhe do duhet të testohen sërish 3-5 ditë pas mbërritjes.
Sipas Qendrës për Kontrollin e Sëmundjeve (CDC), këto masa, të kombinuara me masat mbrojtëse të përditshme si mbajtja e maskave dhe distancimi social, do të bëjnë që udhëtimet të jenë më të sigurta, më të shëndetshme dhe më të garantuara për mospërhapjen e virusit në avionë, aeroporte apo destinacione.
Të gjitha rregullat e tjera mbeten në fuqi. /Albinfo.ch
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane