Koronavirusi: çast pas çasti

Rreth 100 mijë fëmijë amerikanë u infektuan me virus brenda dy javësh

Gati 100,000 fëmijë amerikanë u testuan pozitivë për koronavirusin gjatë një periudhe dy javore, sipas një raporti të ri të Akademisë Amerikane të Pediatrisë.

Përkatësisht, në dy javët e fundit të korrikut (16-30 korrik), prania e koronavirusit u konfirmua në pak më shumë se 97 mijë fëmijë, përcjell albinfo.ch.

Ka pothuajse 5 milion njerëz të infektuar në Shtetet e Bashkuara të Amerikës, dhe më shumë se 338,000 prej tyre janë fëmijë, raporton CBS.

Tina Hartrt nga Universiteti Vanderbilt shpreson që testimi i shtuar i fëmijëve do të ndihmojë në përcaktimin e rolit të tyre në transmetim.

Në New York, qyteti amerikan me sistemin më të madh shkollor, kryetari Bill de Blasio njoftoi kthimin e fëmijëve në shkollë.

“Ekspertët kanë studiuar shembuj nga e gjithë bota për të ruajtur komunitetin shkollor. “Ne së pari duhet të mbrojmë shëndetin dhe pastaj t’i edukojmë fëmijët tanë,” tha De Blasio në një konferencë për shtyp.

Vetëm në korrik, 25 fëmijë vdiqën nga koronavirusi në Shtetet e Bashkuara të Amerikës.