Kosova
Rreth 4 mijë denoncime nga qytetarët për rritje të çmimeve
Përmes linjave të hapura, të cilat janë në dispozicion nga ora 08:00 deri në orën 22:00, vetëm dje nga qytetarët janë raportuar 378 rast për bizneset, tek të cilat dyshohet se kanë rritur çmimet e artikujve ushqimorë dhe atyre farmaceutikë, si dhe shkeljeve të tjera, kanë njoftuar nga ATK-ja.
Nga 378 raste të raportuara, 202 prej tyre kanë qenë për rritje çmimesh dhe parregullsi tatimore, ndërsa 176 thirrjet tjera janë thirrje për biznese që punojnë edhe pas vendimit të Qeverisë së Kosovës për mbyllje. Po ashtu, nga totali i thirrjeve të ditës së djeshme, tri raste janë raportuar përmes e-mail.
Që nga data 12 mars kur është marrë vendimi nga Ministria e Financave dhe Transfereve e deri më datë 17 mars, janë pranuar 3,321 thirrje për parregullsi tatimore dhe rritje çmimesh, ndërsa në total, përfshirë edhe denoncimet e tjera, janë pranuar 3,812 thirrje/denoncime.
Për të gjitha rastet e raportuara janë zhvilluar 1,040 aktivitete në terren nga inspektorët tatimorë, për të cilat do të ndërmerren masa ligjore, në bashkëpunim me Inspektoriatin e tregut dhe prokurorin. Vlen të theksohet se diferenca e raportimeve me aktivitetet në terren është pas që qytetarët kanë raportuar me dhjetëra herë për biznese të njëjta.
ATK fton të gjithë qytetarët që të raportojnë në këto dy linja telefonike: 0800 80 800 e cila është pa-pagesë dhe 038 222 165 e cila aktualisht është me pagesë. Këto dy linja do të jenë të hapura çdo ditë për raportim nga ora 08:00 deri në orën 22:00, shkruajnë mediat shqiptare, përcjell albinfo.ch.
E-Diaspora
-
Bëhet publike agjenda e Forumit shqiptaro-zviceran në Gjenevë Më 19 prill do të flasin figura më të njohura të ndërmarrsëve shqiptarë te ndërtimit, financave...
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
-
Xhaka do të mbetet te Leverkuseni
-
Gjykata Federale “dëbon” kosovarin, edhe pse ka jetuar 28 vjet në Zvicër
Jeta në Zvicër
-
Në cilën prej komunave zvicerane jetohet më mirë? Çiftet me të ardhura të larta pa fëmijë mund të kursejnë 40,000 franga duke kaluar nga...
-
Parlamenti dëshiron të ndalojë simbolet ekstremiste në publik
-
Fedpol: Mafia është e konsoliduar në Zvicër
-
Rritet numri i rasteve me zgjebe në Zvicër
-
Gjeneva nxjerr në ankand targa unike