Kosova
Rritet numri i të interesuarve për pasaporta biometrike
Pas lajmit për rekomandim pozitiv për liberalizimin e vizave për Kosovën, sipas Ministrisë së Punëve të Brendshme të Kosovës është rritur numri i të interesuarve për pajisje me pasaporta biometrike.
Deri tani sipas kësaj ministrie mbi 980 mijë persona janë pajisur me këto dokumente. E qytetarët nuk janë shumë optimist se liberalizimi i vizave do të bëhet shpejt, shkruan Koha.net, përcjell Albinfo.ch.
Ministria e Punëve të Brendshme njofton se kohëve të fundit ka shtim të kërkesave për pajisje me pasaporta biometrike.
Në një përgjigje me shkrim për televizionin publik, zyra për informim e Ministrisë së punëve të brendshme thotë se “Për momentin ka shtim të kërkesave për pajisje me pasaporta , kjo është për shkak të shtimit të mërgimtarëve”.
Po sipas statistikave të kësaj ministrie deri më tani, 984 mijë e 973 qytetarë që janë pajisur me pasaporta biometrike, ndërsa janë edhe mbi 465 mijë me pasaporta jobiometrike.”
E qytetarët nuk tregojnë ndonjë interesim të shtuar pas lajmit për rekomandim pozitiv për vizat.
Disa prej tyre nuk janë shumë optimist se kjo mund të ndodh së shpejti. Por ka edhe të atillë që rekomandimi për lëvizje të lirë, ka ndikuar që ta ndërrojnë pasaportën:
Zyra për informim e Ministrisë se Punëve të Brendshme bën të ditur se nuk ka vonesa gjatë këtyre procedurave dhe çdo pasaportë apo dokument tjetër realizohet brenda afateve ligjore.
Ndryshe, qytetarët pas liberalizimit të vizave nuk mund të shkojnë në të gjitha vendet e BE-së, pra bëjnë përjashtim Mbretëria e Bashkuar dhe Irlanda.
Vlen të theksojmë se pasaporta duhet të jetë biometrike dhe maksimumi i qëndrimit do të jetë 90 ditë. Kujtojmë, se të rriturit që nxjerrin pasaportë biometrike duhet të paguajnë 30 euro, 20 euro për fëmijët deri në 18 vjeç, 15 euro për pensionistë dhe 50 euro për qytetarët që dëshirojnë të pajisen me urgjencë me pasaportë.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën