Lajme

Rritje rekorde e çmimit të energjisë në Britani

Rregullatori i energjisë në Mbretëri të Bashkuar bëri të ditur se kufiri mbi çmimet e energjisë po rritet me një rekord prej 54 për qind për shkak të kostove në rritje të gazit natyror.

Ky ndryshim do të rëndojë miliona familje që në të njëjtën kohë po përballen me rritje tjera të çmimeve.

Zyra e Tregjeve të Gazit dhe Energjisë Elektrike, e njohur si “Ofgem”, tha se kufiri i ri i çmimit – shuma maksimale që furnizuesit e gazit mund të ngarkojnë klientët – do të rritet për 693 paund në vit në shumicën e pjesëve të Mbretërisë së Bashkuar duke filluar nga muaji prill.

Kjo do të bëjë që fatura vjetore për konsumatorin mesatar të shkojë deri në 1,971 paund.

Vendimi mund të prekë 22 milionë familje në të gjithë vendin./AP


LAJME INTERESANTE NGA INTERNETI