Rruga Kaçanik – Hani i Elezit do të hapet së shpejti

Haradinaj: "Tashmë po punohet me dy ndërrime dhe se rruga për banorët dhe bizneset do të hapet gjatë këtij muaji”

Foto ilustrim

Kryeministri Ramush Haradinaj ka kërkuar nga ministri i Infrastrukturës, Pal Lekaj, që të angazhohet në lirimin e segmentit Kaçanik – Hani i Elezit.

“U njoftova nga ministri Lekaj që për të evituar dheun e rrëshqitur në këtë rrugë, tashmë po punohet me dy ndërrime dhe se rruga për banorët dhe bizneset do të hapet gjatë këtij muaji”, ka thënë Haradinaj.

Kryeministri ka kërkuar angazhim dhe seriozitet nga anëtarët e kabinetit qeveritar që kanë obligime për përgatitjen e shpalljes së Zonës së lirë ekonomike amerikane, në mënyrë që kjo të përfundojë në kohë.