Sa duhet të punohet në disa vende për të blerë ushqimin e mëngjesit?

Sipas Indeksit Global nga “Bloomberg” për të siguruar mëngjesin e kanë me së lehti punëtorët në Osaka, Abu Dhabi dhe Cyrih. Atyre u duhen më pak se 5 minuta për të fituar para për të blerë mëngjesin.
Në Karakas njerëzit kanë nevojë për nëntë orë pune për të blerë mëngjesin. Në Venezuelë është më shumë se një ditë pune.

Në Zvicër njerëzit me 1% të të ardhurave të përditshme mund të blejnë mëngjesin e tyre, në Kiev të Ukrainës duhet të ndajnë 6% të të ardhurave.

Në Vietnam për mëngjes duhet të shpenzojnë 12% të të ardhurave.

Në Meksikë duhet të shpenzojnë 2.4% të një dite pune për të siguruar mëngjesin.
Në ushqimin e mëngjesit janë marrë parasysh çmimet e qumështit, vezët, buka dhe frutat.