Sa % e popullsisë së Zvicrës kanë nënshtetësi të dyfishtë

Rreth një e pesta e banorëve të përhershëm janë me shtetësi të dyfishtë. Kjo është ajo që zbulon një studim i ri për to

Në vitin 2020 – viti më i fundit për të cilin numrat zyrtarë janë të disponueshëm – 19 përqind e banorëve të përhershëm të moshës 15 vjeç e lart kishin shtetësi të dyfishtë, sipas një studimi nga Zyra Federale e Statistikave (FSO), përcjell albinfo.ch.

Kur të huajt fitojnë nënshtetësinë e vendit të tyre të banimit duke ruajtur ende shtetësinë e vendit të tyre të origjinës, ata bëhen të njohur si “shtetas të dyfishtë”.

Çfarë tregon studimi?

Njerëzit nga Italia përbëjnë përqindjen më të madhe – 23 përqind – të shtetasve të dyfishtë, të ndjekur nga ata nga Franca (12 përqind) dhe Gjermania (8 përqind).

Më pak se 5 për qind e qytetarëve të Mbretërisë së Bashkuar kanë gjithashtu një pasaportë zvicerane. Qytetarët nga Kosova ndodhen në vendin e tetë.

Për sa i përket vendbanimit, shumica e shtetasve të dyfishtë (45 përqind) jetojnë në Gjenevë, Vaud (31 përqind), Ticino (38 përqind) dhe Basel-City (25 përqind), përcjell tutje albinfo.ch.

Brenda kësaj popullate, 65 për qind e kanë marrë shtetësinë zvicerane me natyralizim, ndërsa 35 për qind e kanë marrë atë në lindje.

Ndryshe nga shumë vende të tjera si Shtetet e Bashkuara apo Kanadaja, të qenit i lindur në Zvicër nuk do të thotë automatikisht se personi është zviceran; nëse prindërit e tyre kanë lindur jashtë vendit dhe kanë ende pasaporta të huaja, një person nuk do të marrë nënshtetësinë zvicerane me lindje.

Megjithatë, kjo mund të ndryshojë, pasi partia Socialdemokrate dëshiron që qeveria të lirojë rregullat e natyralizimit dhe të shtetësisë për të lejuar “shtetësinë nga lindja”.

---