Shëndetësi
Sa është e rrezikshme Covid me sëmundjet kardiovaskulare
Rezultatet treguan se grupi i infektuar me virusin Covid-19 kishte afërsisht dyfishin e rasteve të infarktit të miokardit, goditjes cerebrale, dështimit të zemrës, fibrilimit atrial dhe mioperikarditit
Rritja e rrezikut kardiovaskular në pacientët me Covid-19 mund të zgjatet me vite dhe të mos kufizohet në fazën akute të infeksionit, sipas një studimi nga spitali San Raffaele në Romë në bashkëpunim me Universitetin e Romës La Sapienza dhe Universitetin e Napolit “Federico II”.
Studime të shumta të mëparshme kanë treguar, në një numër të kufizuar subjektesh të shtruar në spital, se infeksioni SarsCoV2 është shumë shpesh i lidhur me zhvillimin e ngjarjeve kardiovaskulare dhe cerebrovaskulare.
“Rëndësia e punës aktuale, qëndron në faktin se ajo ekzaminon një popullsi të madhe reale që përfshin subjekte nga një bazë të dhënash e mjekëve të përgjithshëm të Autoritetit Shëndetësor Lokal 1 të Napolit të ndjekur për 3 vjet, gjatë pandemisë në periudhën 2020-22, dhe krahasuar me një popullsi para pandemisë të nxjerrë nga e njëjta bazë të dhënash në 2017-19”, shpjegojnë studiuesit, transmeton albinfo.ch.
Kjo është një popullsi prej rreth 229 mijë pacientësh, duke përfshirë rreth 32 mijë subjekte që kanë pasur një diagnozë molekulare të Covid-19.
Rezultatet treguan se grupi i infektuar me virusin Covid-19 kishte afërsisht dyfishin e rasteve të infarktit të miokardit, goditjes cerebrale, dështimit të zemrës, fibrilimit atrial dhe mioperikarditit.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n