Futboll

Sadiku pranë rikthimit në Zvicër

Sulmuesi shqiptar, Armando Sadiku mund të kthehet te skuadra e Luganos

Armando Sadiku është një nga sulmuesit më të mirë shqiptar. Ai ende mbetet në infermieri, për shkak të lëndimit të rëndë që pësoi.

Megjithatë, ai mund të mos luajë më për Levanten ku u transferua me shumë bujë.

Sipas mediave zvicerane, Sadiku është në bisedime për t’u rikthyer në Lugano, ku ka luajtur edhe më parë, dhe ku është i dashur nga tifozët dhe zyrtarët e klubit, përcjell albinfo.ch.

Sadiku ka luajtur me Luganon nga viti 2012 deri në vitin 2014, dhe sërish në pranverën e vitit 2017.

Dëmtimi i rëndë që pësoi në gju po e privon ende Sadikun nga fushat e blerta. Sulmuesi luajti shumë pak edhe kur nuk ishte i dëmtuar, ndërsa pas problemeve që kaloi do të ketë më pak mundësi, pa harruar faktin se Levante është një nga befasitë e sezonit.

Levante nuk po lufton për mbijetesë, por për Kupat e Evropës. Në këtë skuadër paraqitet edhe Enis Bardhi.