BE mund t`i vendosë SHBA-së tarifa hakmarrëse prej 90 miliardë eurosh

Do të mbahet një samit i posaçëm pas kërcënimeve të reja me tarifa nga Presidenti i SHBA-së Donald Trump lidhur me mosmarrëveshjen e Groenlandës

Presidenti i Këshillit të BE-së António Costa do të thërrasë një samit të posaçëm pas kërcënimeve të reja me tarifa nga Presidenti i SHBA-së Donald Trump lidhur me mosmarrëveshjen e Groenlandës.

Costa njoftoi se shtetet anëtare ranë dakord që tarifat do të dëmtonin marrëdhëniet transatlantike dhe janë të papajtueshme me marrëveshjen tregtare BE-SHBA, tranmseton albinfo.ch. “Ne gjithmonë do t’i mbrojmë interesat tona strategjike ekonomike dhe të sigurisë”, shkroi Presidentja e Komisionit të BE-së, Ursula von der Leyen, në Twitter të dielën në mbrëmje.

Media të ndryshme po raportojnë se BE-ja mund të vendosë tarifa hakmarrëse prej 93 miliardë eurosh kundër SHBA-së, shkruan srf.ch.

“Përgjigja e BE-së duhet të merret seriozisht”

Pas kërcënimit të ripërtërirë të Presidentit të SHBA-së, Trump, për tarifa, më shumë vende do të mirëprisnin një qëndrim më të vendosur nga BE-ja, thotë korrespondenti i BE-së, Charles Liebherr.

Debati i brendshëm në lidhje me përgjigjen e duhur ndaj kërcënimit të Trump po fiton vrull: “Tani, ato vende që kishin shpresuar për më shumë kundërpresion dhe një qasje më të vendosur nga BE-ja më parë ndihen të justifikuara”, tha Liebherr.

Tarifat hakmarrëse me një total prej mbi 90 miliardë eurosh janë duke u shqyrtuar. “Këto kundërmasa janë zhvilluar dhe miratuar tashmë”, shpjegon Liebherr. Ato u hartuan në përgjigje të tarifave të kërcënuara prej 25 përqind të SHBA-së.

---