Samiti i parë digjital në rajon, do organizohet në Shkup

Në samit do marrin pjesë shumë shefa të qeverive rajonale dhe përfaqësues të Brukselit.

Shkupi do jetë nikoqiri i evenimentit për agjendë digjitale. Samiti mbahet në 18 dhe 19 prill në Shkup, ku do të marrin pjesë shefat e gjashtë qeverive të Ballkanit Perëndimor, ministra përgjegjës për agjendën digjitale në qeveritë e Ballkanit Perëndimor, dhe vendet anëtare të Bashkimit Evropian (BE) që marrin pjesë në Procesin e Berlinit, si dhe shumë afaristë dhe akademikë.

Në samit do të ketë panel diskutime për ndërlidhje digjitale, përforcimin e sigurisë kibernetike, digjitalizimin e industrive dhe integrim të ekonomive.