AUTOTECH

Samsung krijon kamerë 108 megapiksel

Mekanizmi Smart-ISO i Samsung do të zgjedhë një ISO të vogël në dritë të madhe dhe ISO të madhe në dritë të vogël. Shpresojmë që Xiaomi t’u japë përdoruesve kontroll mbi këto konfigurime.

Ndërsa lufta e megapikselëve të kamerave duket se ka rifilluar, Samsung është ndër të parët që i ka hyrë një ofensive.

Kompania prezantoi sensorin 108-megapiksel për smartfonët, një sensor i cili me shumë gjasa do të shfaqet tek telefoni i ardhshëm Redmi i Xiaomi.

Quhet ISOCELL Bright HMX dhe është zhvilluar nga Samsung në bashkëpunim me Xiaomi. Është një prej sensorëve të kamerave më të mëdhenj prodhuar ndonjëherë me madhësi prej 1/1.33-inç.

Edhe në këtë madhësi, sensor 108-megapiksel do të ketë pikselë shumë të vegjël. Teknologjia tetracell do të grumbullojë dritë nga katër pikselë dhe sensori 108-megapiksel do të prodhojë foto 27-megapiksel.

Por nëse dëshironi ende mund të prodhoni foto 108-megapiksel por do të duhet një ambient me dritë të mjaftueshme.

Mekanizmi Smart-ISO i Samsung do të zgjedhë një ISO të vogël në dritë të madhe dhe ISO të madhe në dritë të vogël. Shpresojmë që Xiaomi tu japë përdoruesve kontroll mbi këto konfigurime.

Së bashku me fotot e rezolucionit të lartë dhe fotot e pastra në dritë të paktë, sensori do të mundësojë regjistrimin e videove në 6K me 30fps.

Kamerat e fundit të Samsung janë kritikuar për performancën e dobët në dritë të pakët sidomos kur krahasoheshin me kamerat si ajo e P30 Pro që përdorin çipet e Sony. Duke rritur madhësinë e çipit të kamerës, Samsung mund të adresojë përfundimisht këtë problem.

Në të njëjtën kohë sa më e madhe kamera e një smartfoni, aq më të pakta arsyet për konsumatorët për të blerë kamera të dedikuar dhe kompakte.

Prodhimi i çipit të ri fillon në fund të këtij muaji, tha Samsung.