Lajme
Save a Life mbledh 50 mijë euro për nënat dhe fëmijët
Save a Life, për herë të shtatë me radhë, bashkon zemrat dhe mbledh 50 mijë euro për nënat dhe fëmijët

Një mbrëmje e mbushur me emocion, solidaritet dhe shpresë: Save a Life, gala tradicionale për mbledhje fondesh, këtë vit mblodhi bashkë për herë të shtatë radhazi diasporën shqiptare në zemër të Cyrihut. Kompani, individë dhe miq të AMC-së u bashkuan me një qëllim të përbashkët të shpëtojnë jetë.
Mysafire nderi e kësaj nate ishte znj. Ylfete Fanaj, Anëtare e Këshillit Ekzekutiv të Kantonit të Lucernit, ndërsa mbrëmja u moderua me shumë dashuri nga Arigona Bunjaku, blogere dhe nënë e tre fëmijëve, që jeton në Zvicër, thuhet në njoftim, transmeton albinfo.ch
Pjesë e veçantë e programit ishte rrëfimi prekës i znj. Mirnie, infermiere në QKMF Fushë Kosovë, e cila solli dëshmi të gjalla për ndikimin e trajnimeve të AMC-së në përmirësimin e shërbimeve shëndetësore për nënat dhe fëmijët – më të brishtit ndër ne.
Art, ndjenja dhe ngjyra: Këndi i pikturave nga Kaltrina, Dorina dhe Zhaklina i dha mbrëmjes një shpirt të veçantë artistik, duke sjellë emocione dhe kuriozitet përmes veprave të tyre që ishin në shitje për kauzën.
Atmosfera u mbush me muzikë dhe argëtim falë performancës së mrekullueshme të String String, që sollën tingujt më të bukur të muzikës shqipe.
Një falënderim nga zemra për të gjithë ata që ishin pjesë e këtij edicioni individë, kompani dhe miq që besojnë në fuqinë e bashkimit dhe në ndryshimin që mund të sjellim së bashku.
Në veçanti falënderojmë Multinet Communications, SpitexDona, Rotary Club Gjakova – Dr. Agron Abrashi, dhe Biasca, Anrotec. Falënderim i veçantë për sponsorin tonë medial Albinfo për mbështetjen e vazhdueshme.
E-Diaspora
-
Me artin e saj, Nexhibe Imeri u jep një zë grave të diskriminuara "Kam krijuar një art që flet, frymëzon dhe proteston! Është një thirrje për drejtësi dhe një...
-
Ambasadori i karrierës, Sami Ukelli, largohet nga MPJD-ja
-
Shqiptari që pozoi me 250 mijë funte e fiton betejën për qëndrim në Britani
-
Gjuha shqipe hyn në komunikimet zyrtare të shkollave publike në Nju Jork
-
Shqiptarja nga Amerika kurorëzohet me “Miss Globe USA 2025”
Jeta në Zvicër
-
Zvicra heq sanksionet ekonomike ndaj Sirisë Zvicra ka njoftuar heqjen e një sërë sanksionesh ekonomike ndaj Sirisë, përfshirë ato që kishin në...
-
Tetë drejtues të kompanive federale fitojnë mbi gjysmë milioni franga në vit
-
Këto festival të muzikës mbahen në Zvicër këtë verë
-
Zjarret në disa automjete shkaktojnë mbylljen e autostradës A1
-
Zvicra mbyll ambasadën në Iran, ambasadorja largohet nga territori