Lajme
Scholz bën thirrje që të shmanget një Luftë e re e Ftoftë
Perëndimi duhet të shmangë një Lufte të re të Ftohtë, duke e ndarë botën në blloqe, deklaroi kancelari gjerman, Olaf Scholz, për revistën “Foreign Affairs”.
Scholz theksoi se duhet bërë çdo përpjekje për të ndërtuar partneritete të reja.
Ai cilësoi Kinën dhe Rusinë si dy vende që përfaqësojnë një kërcënim për një botë shumëpolare dhe theksoi nevojën për të forcuar unitetin evropian dhe transatlantik.
“Periudhat e paqes dhe prosperitetit në historinë njerëzore, si ajo që përjetoi shumica e botës në epokën e hershme të pas Luftës së Ftohtë, nuk duhet të jenë devijime nga një kohë historike në të cilën forca brutale dikton rregullat”, sipas “Foreign Affairs”.
“Bota po përballet me një Zeitenwende (pikë kthese), një zhvendosje tektonike epokale”, shtoi ai.
”Edhe nëse nuk mund ta kthejmë orën mbrapa, prapë mund të kthejmë tendencën e agresionit dhe imperializmit”, shtoi ai.
“Bota e sotme komplekse dhe shumëpolare e bën këtë detyrë më sfiduese. Për ta arritur atë, Gjermania dhe partnerët e saj në BE, SHBA, G-7 dhe NATO duhet të mbrojnë shoqëritë tona të hapura, të mbrojnë vlerat tona demokratike dhe të forcojnë aleancat dhe partneritetet tona”, tha Scholz.
“Ne duhet gjithashtu të shmangim tundimin për ta ndarë botën në blloqe edhe një herë”, tha ai.
“Ne duhet të bëjmë çdo përpjekje për të ndërtuar partneritete të reja, në një mënyrë pragmatike dhe pa verbime ideologjike. Në botën e sotme të ndërlidhur, qëllimi për të avancuar paqja, prosperiteti dhe liria njerëzore kërkon një mendësi dhe mjete të ndryshme. Zhvillimi i kësaj mendësie dhe këtyre mjeteve është, në fund të fundit, edhe qëllimi i Zeitenwende”, tha Scholz.
Të tjera nga Lajme
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?