Lajme
Scholz takon biznesmenët gjermanë, diskuton rritjen e çmimeve e krizën ekonomike
“Duhet të mësohemi me idenë se kjo situatë nuk do të ndryshojë në të ardhmen e parashikueshme”, tha ai.
Kancelari gjerman, Olaf Scholz u takua sot me përfaqësuesit e biznesit dhe sindikatave në Berlin për të përcaktuar një kurs mes kushteve të vështira ekonomike dhe çmimeve në rritje.
“Ne po përballemi me një sfidë historike”, tha Scholz pas takimit, teksa bëri të qartë se qeveria po kërkonte të shmangte një recesion të mundshëm.
“Kriza aktuale nuk do të kalojë brenda disa muajsh”, tha Scholz, duke renditur pushtimin rus në Ukrainë dhe zinxhirët e furnizimit të ndërprerë nga pandemia e koronavirusit si shkaqet kryesore për pasigurinë e përgjithshme ekonomike, transmton dpa, përcjell Albinfo.ch.
Objektivi kryesor i bisedimeve ishte gjetja e mënyrave për t’u përballur me rritjen e çmimeve. Bisedimet e ditës së sotme po shihen si fillimi i një procesi të gjatë dialogu me disa takime pasuese.
“Ne do ta kalojmë mirë këtë krizë, vetëm nëse bashkojmë forcat, nëse biem dakord së bashku për zgjidhjet”, tha Scholz.
Rainer Dulger, kreu i Konfederatës së Shoqatave të Punëdhënësve gjermanë, tha se Gjermania po përballet me krizën më të ashpër ekonomike dhe sociale që nga ribashkimi mbi 30 vjet më parë. “Kriza mund të tejkalohet vetëm përmes një plani të përbashkët veprimi”, tha ai.
“Qeveria mund të ndihmojë duke ulur taksat dhe kontributet sociale në mënyrë që qytetarët të marrin më shumë paga neto nga paga e tyre bruto”, tha ai.
Scholz e përshkroi takimin si një fillim të mbarë duke theksuar se takime të ngjashme duhet të zhvillohen rregullisht.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komiteti parlamentar zviceran mbështet planin e ndihmës për Ukrainën Një komitet parlamentar zviceran ka votuar për të mbështetur një kontribut ndihme prej 5 miliardë CHF...
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane