Ukraina

Schröder kërkon kthimin e të drejtave speciale si ish-kancelar

Komisioni nuk e ka arsyetuar anulimin e privilegjeve me punën e tij për kompanitë ruse ose me qëndrimin ndaj agresionit rus kundër Ukrainës

Ish-kancelari i Gjermanisë nga SPD, Gerhard Schröder, ka paditur Bundestagun (Parlamentin Feederal) për shkak të një vendimi të komisionit të buxhetit, i cili i kishte hequr atij të drejtën për të pasur një zyrë dhe punonjësit si ish-kancelar, transmeton albinfo.ch.

Sipas NDR dhe agjencisë së lajmeve DPA, avokatët e Schroder-it kanë ngritur një padi në një gjykatë në Berlin.
Ata thonë se vendimi i komisionit të buxhetit ishte i paligjshëm dhe të kujtonte një shtet princëror absolutist. Schröder nuk është dëgjuar gjatë procedurës dhe thotë se vendimin e ka marrë vesh vetëm nga mediat.

Heqja e privilegjeve, për shkak të pasivitetit të ish-kancelarit

78-vjeçari kërkon që një zyrë e ish-kancelarit me punonjës të vihet sërish në dispozicion të tij, ka thënë avokati i tij Michael Nagel për agjencinë gjermane të shtypit të premten, përcjell albinfo.ch. Padia është paraqitur në gjykatën administrative të Berlinit, tha Nagel.

Ish-kancelari socialdemokrat është kritikuar ashpër për angazhimin e tij në shërbim të kompanive ruse të energjisë dhe afërsinë e tij me presidentin rus, Vladimir Putin.

Megjithatë, Komisioni i Buxhetit shprehimisht nuk e ka arsyetuar anulimin e pjesshëm të privilegjeve të Shroderit me punën e tij për kompanitë energjetike ose me qëndrimin e tij ndaj luftës agresioni rus kundër Ukrainës, por me faktin se Schröder “nuk percepton më asnjë detyrim të vazhdueshëm nga zyra e tij si ish-kancelar”.


LAJME INTERESANTE NGA INTERNETI