Selmanaj: Vjosa Osmani është më e udhës të largohet nga LDK-ja

Deputeti i Lidhjes Demokratike, Driton Selmanaj, ka kritikuar Vjosa Osmanin për qëndrimet e saj

Së fundmi në një intervistë, deputeti i LDK-së, Driton Selmanaj, ka kritikuar ashpër Vjosa Osmanin, për të cilën ka deklaruar edhe se është model i gabuar i vendimmarrjes, përcjell albinfo.

Selmanaj është shprehur se “koalicioni LVV – LDK, i ngjan një “fryti” që dy palët po e vrasin pak para lindjes.

Sipas njoftimit që gazetari, i cili e ka intervistuar Selmanajn ka bërë në faqen e tij, Selmanaj këtë e ka ndërlidhur edhe qeverisjen VV -LDK në Prizren që, sipas tij, e “tregon fytyrën e vërtetë të Vetëvendosjes”, përcjell albinfo.

Selmanaj për herë të parë kritikon ashpër dhe hapur Vjosa Osmanin, si dhe thotë se është shembull i gabuar i politikëbërjes. Sipas tij, dikush që nuk pajtohet me qëndrimet e partisë dhe ndërton karrierë duke vepruar shpesh në kundërshtim me vendimet partiake, është më e udhës të largohet nga partia.

Selmanaj nuk e përjashton mundësinë që LDK ta formojë qeverinë nëse kandidati i tyre propozohet nga presidenti.

Kujtojmë që Selmanaj është pjesë e Kuvendit të Kosovës nga radhët e LDK-së për dy mandate.

Në zgjedhjet e gjashtë tetorit, ai ka marrë 16.222 vota.

 

 

---