Lajme
Sërish aksident me fatalitet në Ascher: Vdesin nënë dhe bijë
Në shtegun e ecjes, nëna 31-vjeçare dhe vajza pesë-vjeçare kanë rënë në një shpat të pjerrët dhe janë gjetur të vdekur. Shkaku i rrëzimit është i paqartë
Vetëm dy javë pas dy aksidenteve të ndara me fatalitet që kishin ndodhur brenda një ore, edhe një tjetër aksident fatal ka ndodhur në Aescher të Kantonit Appenzell Innerrhoden, shkruan albinfo.ch. Një nënë dhe vajza e saj kanë rënë në vdekje të hënën nga një shkëmb i thepisur.
“Më duket shumë tragjike që këtu ka ndodhur një tjetër aksident”, thotë një alpinist që njeh zonën. Por gjithmonë duhet të jeni shumë të kujdesshëm në këtë rrugë, që të mos ecni përgjatë anës së shtegut.
Sipas policisë së kantonit të Appenzell Innerrhoden, familja nga kantoni Thurgau po udhëtonte nga Aescher në drejtim të Altenalp. Në shtegun e ecjes, nëna 31-vjeçare dhe vajza pesë-vjeçare kanë rënë në një shpat të pjerrët dhe janë gjetur të vdekur, raporton srf.ch. Shkaku i rrëzimit është i paqartë dhe po hetohet.
Sepp Manser, anëtar i Parlamentit të Kantonit të Appenzell Innerrhoden dhe përgjegjës për shtigjet e ecjes në rajonin Schwende-Rüte thotë se të gjitha shtigjet e ecjes malore mirëmbahen vazhdimisht dhe përmbushin kushtet e patrashikuara për shtigjet e ecjes malore.
Por, aksidentet fatale po ndodhin shpeshherë në këtë rajon alpinizmi. Jo më larg se nga mesi i korrikut një grua ra nga një shpat i pjerrët ndërsa ishte duke zbritur nga Aescher në Seealpsee, transmeton albinfo.ch. Rreth një orë më vonë, një burrë pësoi në një aksident fatal në të njëjtin seksion. Në fund të qershorit, një grua qe penguar duke zbritur dhe ishte rrëzuar.
Megjithatë, sipas Manser, ky nuk është i njëjti seksion ku ka ndodhur aksidenti të hënën. Akumulimi i aksidenteve në një periudhë kaq të shkurtër kohore në perimetrin e përmendur rreth Ebenalp është megjithatë i jashtëzakonshëm.
Ascher është bërë i njohur pasi disa vite më parë është zgjedhur si më i bukuri në Zvicër.
Të ngjashme
Të tjera nga Lajme
E-Diaspora
-
Promovohet në Cyrih platforma “Putpuri”, nga Prishtina Të premten, më 5 prill, platforma botuese e pavarur dhe nisma bashkëpunuese ndërmjet Prishtinës dhe Cyrihut,...
-
Më 7 prill, edicioni i tretë i panairit të librit shqip në SHBA
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Në aeroportin e Bazelit anulohet fluturimi për në Prishtinë, mërgimtarët ankohen
Jeta në Zvicër
-
Besnik Berisha garon në zgjedhjet lokale të Luganos Zvicra po vazhdon të konsiderohet si vendi që pasqyron shembullin më të mirë të integrimit të...
-
Frangu zviceran po dobësohet kundrejt euros
-
Bislimi e Jashari nuk pritet të përzgjidhen nga Zvicra për Evropian
-
Ku janë restorantet ‘më të mira’ në Zvicër?
-
Zvicra duhet të forcojë kontrollin e sektorit të saj financiar, paralajmëron FMN