Koronavirusi: çast pas çasti

Në SHBA kalon shifra e 10,000 viktimave nga koronavirusi

Deri më tani më shumë se 10.000 amerikanë kanë vdekur nga koronavirusi dhe numri i infeksioneve është rritur mbi 347.000, pasi të dhënat e reja parashikojnë se shpërthimi në SHBA do të arrijë kulmin brenda 10 ditësh, me mbi 3.000 vdekje në 24 orë.

Numri i vdekjeve në Shtetet e Bashkuara u rrit me 1.147 brenda 24 orëve, për të sjellë totalin e viktimave në 10.358, teksa numri i rasteve të konfirmuara në gjithë vendin u rrit me 25.841, duke çuar bilancin në 347.516.

Nju Jorku mbetet epiqendra e shpërthimit me rreth 500 vdekje të reja dhe mbi 8.900 raste të reja që nga e hëna.

Zyrtarët shëndetësorë kanë paralajmëruar se numri i të vdekurve nga koronavirusi është në të vërtetë shumë më i lartë, duke pasur parasysh se nuk ka asnjë mënyrë të përcaktuar për raportimin e vdekjeve në gjithë vendin në lidhje me pandeminë.

Shkolla e Mjekësisë pranë Universitet it të Uashingtonit dje ka parashikuar se kulmi i shpërthimit pritet të ndodhë në dhjetë e ditët e ardhshme, me 3.230 vdekje vetëm më 16 prill.

Përdorimi i burimeve të kulmit për spitalet parashikohet të ndodhë më 15 prill – një ditë para numrit të kulmit të vdekjes – kur do të nevojiten 25.000 ventilatorë.

Të dhënat tregojnë se do të ketë mungesë prej 36.000 shtretërish spitalorë dhe 16.000 shtretër deri atë ditë, përcjell Albinfo.ch.