Të tjera
Shkatërrohet karteli i drogës nga Ballkani
![](https://www.albinfo.ch/wp-content/uploads/files/droge.jpg)
Policia e Serbisë organizoi një operacion të gjerë antidrogë në mbarë vendin, në fund të të cilit ranë 13 persona, pjesë e një organizate kriminale që trafikonte sasi të mëdha lënde narkotike të llojit kokainë.
Operacioni i policisë erdhi pas hetimeve disa mujore dhe u shtri në qytetet e Beogradit, Nishit, Llazarevcit, Suboticës dhe Zrenjaninit.
Në një komunikatë për shtyp për këtë operacion, shefi i policisë, Ninosllav Cmolliç bëri me dije se të arrestuarit ishin pjesë e rrjetit më të madh të kokainës në rajonin e Ballkanit.
Sipas tij, “Karteli ballkanik” siguronte sasi të mëdha kokainë në Kolumbi, Brazil dhe Ekuador dhe e shpërndante më pas në Europë, transmeton a2 përcjell albinfo.ch.
“Së paku, 6 tonë kokainë të kapura në vitin 2020 janë të lidhura me udhëheqësit e arrestuar sot dhe anëtarët e arrestuar më parë të kartelit të lartpërmendur”, tha Cmolliç.
Mësohet se ky grup i organizuar kriminal përbëhej nga 20 persona të dyshuar për trafik ndërkombëtar droge.
“Nga shtatë persona që nuk u arrestuan, dy prej tyre janë duke vuajtur dënimin me burg në Holandë dhe Peru. Një është në paraburgim dhe katër janë në arrati”, njoftoi Prokuroria për krim të organizuar.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n