Koronavirusi: çast pas çasti

Zvicër: 5 milionë franga për Taskforcën kërkimore, me mundësi shtimi

Ata janë po aq të shqetësuar sa dhe popullsia. Task-forca e drejtuar nga ai (Egger) jo vetëm që mbështet Qeverinë Federale, por gjithashtu këshillon edhe kantonet.

Shefi i task forcës kërkimore të krijuar pak ditë më parë, Matthias Egger, i pranishëm në konfrencën për media që po mbahet në Bernë ka thënë se shkencëtarët janë shumë të motivuar për të ndihmuar në trajtimin e krizës së koronës, shkruan sda.ch.

Ata janë po aq të shqetësuar sa dhe popullsia. Task-forca e drejtuar nga ai jo vetëm që mbështet Qeverinë Federale, por gjithashtu këshillon edhe kantonet.

Kjo Task Forcë përbëhet nga nëntë grupe ekspertësh dhe një “bord këshillues i nivelit të lartë”, transmeton albinfo.ch. Grupet e ekspertëve merren me analizën e të dhënave ose edhe me testimin. Grupe të tjera merren me ndikimin ekonomik ose shoqëror të krizës. Ndërkaq një ekip tjetër merret me shëndetin publik.

Përveç Eggerit si president, bordi këshillimor përfshin gjithashtu drejtuesit e nëntë grupeve të ekspertëve si dhe profesionistë të ndryshëm shtesë.

“Ne duam të japim informacione shkencore, të përgatisim të dhëna, etj”, ka thënë më tutje Egger. Qëllimi ynë është që të japim mbështetje konstruktive për të përballuar krizën.

Fillimisht kësaj taskforce qeveria i ka zotuar 5 milionüe franga por, sipas nevojës, fondi mund të rritet.