Shqipëria duhet të vizitohet gjatë vitit 2017

Prestigjiozja amerikane “Forbes” që rekomandon se Shqipëria duhet vizituar gjatë vitit 2017. Shqipëria është ndër vendet më atraktive dhe nuk kushton shumë

Bukuritë e Shqipërisë nuk kalojnë pa u vërejtur nga mediat e huaja. Kohët e fundit janë shtuar mediat që kanë shkruar për vendet atraktive që ofron Shqipëria, si dhe që duhet vizituar gjithsesi, raporton albinfo.ch.

Tashmë është prestigjiozja amerikane “Forbes” që rekomandon se Shqipëria duhet vizituar gjatë vitit 2017. Shqipëria është ndër vendet më atraktive dhe nuk kushton shumë.

Shqipëria renditet e 21-ta në 30 vende të marra gjithsej në studim, duke lënë pas kështu vende si vende në Meksikë, Kanada, Buenos Aires, Haiti, Greqi, Portugali, etj.

“Ky cep i harruar i Evropës është një destinacion i mrekullueshëm që mund ta vizitosh me një buxhet shumë të ulët, në një kontinent tjetër turistik dhe të shtrenjtë”, shkruan “Forbes”.

“Forbes” fton lexuesit e saj të vizitojnë bukuritë e vijës bregdetare të Sarandës, qytetit malor mesjetar të Gjirokastrës dhe rrënojat romake të Butrintit.

Ka gjithashtu disa vende historike mjaft interesante në të gjithë Shqipërinë në të cilat hyrja kushton 2 deri në 5 dollarë. Nga qyteti malor mesjetar i Gjirokastrës në rrënojat romake në Butrint, të ofrohet një anë krejt e ndryshme e Evropës, e cila sugjeron “Forbes” duhet vizituar patjetër përpara se kjo zonë të jetë mbipopulluar.