Shqipëria
Shqipëria pret turistët e parë të huaj për këtë sezon
Në Shqipëri të premten pasdite kanë arritur turistët e parë të huaj për këtë sezon.
Një aeroplan çarter i kompanisë “Belavia” ka zbarkuar në aeroportin e Rinasit. Ai ka sjellë 192 turistët e parë nga Bjellorusia.
Turizmi në Shqipëri, si në vendet e tjera, pritet të goditet rëndë nga pasojat që ka sjellë pandemia e koronavirusit.
Shqipëria momentalisht i ka të hapur kufijtë me të gjitha vendet e rajonit, përcjell albinfo.ch.
“Ne po i rindezim motorët e industrisë së turizmit sot, me këtë lajm të mrekullueshëm të 189 turistëve që vijnë nga Bjellorusia me Belavia Airlines. Në emër të Aeroportit Ndërkombëtar të Tiranës, ju uroj një mirëseardhjen të ngrohtë atyre dhe shumë turistëve të tjerë që janë duke u përgatitur të vijnë dhe të vizitojnë Shqipërinë “, tha Dr. Constantin von Alvensleben, Drejtor i Përgjitshëm Ekzekutiv i Tirana International Airport.
Fluturimi i organizuar nga dy operatorët turistikë Aler dhe Aerotravel do të funksionojë gjatë gjithë verës me një avion Boeing 737-800, dy herë në javë, të Martën dhe Premten.
“Eshtë një ogur i mirë ardhja e turistëve të parë në Shqipëri. Shpresojmë në rifillimin e gjithçkaje, por sidomos turizimit si pulsi kryesor i vendit në këto momente shumë të rëndësishme për të gjithë ne. Duke ruajtur të gjitha protokollet e mbrojtjes nga COVID-19, është e rëndëishme të theksohet se sistemi shëndetësor është në gjendje të përballojë çdo situatë. Por bashkë me thirrjen për ringritjen e turizmit dhe mbërritjen e çarterave të tjerë, bëjmë thirrje dhe për shumë kujdes dhe vëmendje ndaj njeri-tjetrit”, tha Z. Blendi Klosi, Ministër i Turizmit dhe Mjedisit gjatë ceremonisë të zhvilluar me këtë rast.
Aegean Airlines, transportuesi i flamurit të Greqisë dhe Austrian Airlines, gjithashtu kanë njoftuar se fluturimet e tyre, përkatësisht nga Athina dhe Vjena për në Tiranë do të fillojnë në 15 Qershor 2020.
Të ngjashme
Të tjera nga Shqipëria
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën