Shqipëria
Shqiptarët besojnë më shumë në BE
Shqipëria ka përqindjen më të lartë të besimit në institucionet europiane krahasuar me çdo vend tjetër të BE, apo edhe të rajonit.
Rreth 80% e popullit shqiptar besojnë në Parlamentin dhe Komisionin Europian, sipas një raporti të Eurostat për 2018-n. Duket se shtetet që janë jashtë komunitetit europian, janë më besimplotë për funksionimin e tyre. Në Ballkan, Shqipëria kryeson në piramidën e besimit ndaj BE-së, e pas saj vjen Mal i Zi dhe Maqedonia e Veriut.
Ndërsa populli serb, edhe pse duket se është më afër negociatave me BE-në, shfaq besimin më të ulët, me rreth 30%. Çka bie në sy është edhe besimi i ulët që kanë popujt e shteteve anëtare të BE-së ndaj institucioneve europiane, tërheqja britanike, e njohur si BREXIT, është edhe pasoja e këtij mosbesimi. Britania e Madhe, Italia, Franca, Spanja, Greqia besojnë përafërsisht 30% në institucionet europiane. Nga ana tjetër më besnikët në nivel europian janë Finlanda , Suedia dhe Belgjika.
Mungesa e besimit në institucionet shqiptare, ka kthyer sytë e të gjithë shqiptarëve drejt Europës. Burokracitë në institucionet tona shtetërore kanë lodhur shqiptarët. E vetmja shpresë, thonë ata, është Europa.
“Më shumë besim tek institucionet europiane, se janë më të zhvilluar se ne. Ato kanë më shumë eksperiencë se ne, e kanë formuar me kohë demokracinë dhe janë më të sigurt, se ne jemi këlyshë të vegjël. Nga ata presim, e megjithatë prapë ndjekim rrugën e shtrembër. Ne besojmë te Europa se janë më përpara nesh, ndërsa shteti ynë nuk merret vesh. Njëherë nxjerr këtë ligj, nesër tjetër. Nuk ka stabilitet. Ne jemi europianë s’mund të jemi ndryshe”, shprehet disa qytetarë, shkruan TCH, përcjell Albinfo.ch.
Të ngjashme
Të tjera nga Shqipëria
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?