Integrimi
Shqiptarët, të dytët për pajisje me pasaporta të vendeve të BE-së
Më së shumti të huaj të natyralizuar në vendet anëtare të BE-së vijnë nga Maroku, 67.900 veta, ndërsa menjëherë pas tyre radhiten shtetasit e Shqipërisë, 58.900 sish
Gjatë vitit 2017 (për vitin 2018 ende nuk ka të dhëna) rreth 825 mijë persona kanë fituar nënshtetësinë e ndonjërit nga shtetet e Bashkimit Evropian, numër ky që shënon një rënie të theksuar në krahasim me vitin paraprak, 2016, kur ishin 995 mijë të tillë. Numri i të huajve të natyralizuar nga shtetet e BE-së gjatë vitit 2017 ishte më i vogël edhe në krahasim me vitin 2015, kur në këtë kategori hynin 841 mijë veta, shkruan presseportal.de.
Nga numri i gjithëmbarshën i personave të cilët gjatë vitit 2017 janë natyralizuar në ndonjërin vend të BE-së, 17% kanë qenë shtetas të një vendi tjetër, anëtar të BE-së, transmeto albinfo.ch. Ndërsa shumicën e madhe të kësaj kategorie e përbëjnë qytetarët e vendeve të treta ose njerëzit pa nënshtetësi (apatridët).
Interesante për lexuesin shqiptar në këtë statistikë janë numrat në vijim: Më së shumti të huaj të natyralizuar në vendet anëtare të BE-së vijnë nga Maroku, 67.900 veta, ndërsa menjëherë pas tyre radhiten shtetasit e Shqipërisë, 58.900 sish. Më tutje në radhë janë shtetasit e Indisë (31.600), të Turqisë (29.900), të Rumanisë (25.000) etj.
Nga shtetasit e ndonjë vendi të BE-së, më se shumti kanë marrë nënshtetësi të një shteti tjetër të BE-së shtetasit rumunë, 25000, ata polakë 22000 dhe britanikë (në atë kohë, pjesë e BE-së), 15.000.
Nënshtetësinë e Gjermanisë gjatë vitit 2017 e kanë fituar gjithsej 115.421 persona. Grupet më të mëdha i përbënin turqit, me 13%, britanikët me 5.9% dhe polakët, 5.8%.
Shkallën më të lartë të natyralizimit ndër vendet e BE-së gjatë vitit 2017 e ka dëshmuar Suedia. Nënshtetësinë e këtij vendi e kanë fituar 8.19 në 100 të huaj. Pas Suedisë vjen Rumania me 5.94, Finlanda me 5.05 etj. Ndërsa në Gjermani ky raport është vetëm 1.25 në 100 të huaj.
Të ngjashme
Të tjera nga Integrimi
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?