Shqiptari nga Kosova, gjyqtari i ri me shkollim në Finlandë

Shqiptari nga Kosova, Florian Berisha, është duke u shkolluar në Helsinki të Finlandës, për t’u pajisur me stemën e FIFA-së, përcjell albinfo.ch.

Djaloshi nga Kosova ka njoftuar se të martën ishte pjesë e një seminari të rëndësishëm të mbajtur nga Federata e Futbollit të Finlandës.

“Unë pata nderin që të dëgjojë ligjeratat nga gjyqtari finlandez me stemën e FIFA-së, Antti Manukka, i cili me shpjegimet e tij dhe përvojën që ka, më ka lënë përshtypje të jashtëzakonshme. Thjeshtësia e tij dhe përkrahja që më jep më bën të punoj më shumë që të arrij në kategori më të lartë në Finlandë“, tha Berisha. /Albinfo.ch