E-Diaspora
Shqiptari plagoset rëndë nga vjehrri i tij
Policia nuk e sqaron etninë dhe as marrëdhënien në mes të palëve në konflikt. Ndërkaq mediat i referohen dorasit si zviceran ndërkohë që për viktimën dhe për të shoqen shkruajnë se janë shqiptarë...
Paraditen e djeshme, rreth orës 10.45 në qytezën Gerlafingen të Kantonit Solothurn, një person 29 vjeçar është qëlluar dhe plagosur rëndë me armë zjarri nga vjehrri i tij, 54 vjeçar. Dorasi është vetëdorëzuar në polici, shkruan 20minuten.ch.
I plagosuri, për të cilin mediat shkruajnë se është shqiptar nga Maqedonia, është transportuar në spital ndërsa prokuroria është duke zhvilluar hetimet mbi rrjedhën e ngjarjes, transmeton albinfo.ch.
Sipas rrëfimit të një dëshmitareje, fqinje të familjes, bashkëshortja e të plagosurit e kishte mbajtur në krahë të shoqin e plagosur rëndë ndërsa dorasi, babai i saj dhe vjehrri i viktimës e kishte njoftuar ambulancën dhe pastaj edhe i ishte dorëzuar policisë.
Mediat i referohen dorasit si zviceran ndërkohë që për viktimën ashtu dhe të shoqen shkruajnë se janë shqiptar. Nga kjo mund të bihet në përfundim se vjehrri është po ashtu shqiptar por me shtetësi zvicerane. Policia nuk e sqaron këtë dhe as marrëdhënien në mes të palëve në konflikt.
Një dëshmitare tjetër thotë për 20minuten.ch të ketë parë dy burra të lidhur me pranga që po merreshin nga policia, përcjell albinfo.ch. Duket se nuk ka qenë vetëm vjehrri por edhe vëllai i viktimës, i cili jeton në të njëjtin kat të ndërtesë, që është arrestuar.
Fqinja më tej thotë se dy të martuarit nuk e çonin shumë mirë mes vete, shpeshherë ziheshin.
Por një zëdhënës i policisë së Kantonit Solothurn, i pyetur nga gazetari nuk ka mundur ta konfirmojë këtë rrëfim. Ai ka thënë se marrëdhënia në mes të viktimës dhe dorasit është çështje e hetimeve.
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Qeveria planifikon ndihma për banim edhe për pensionistët e invaliditetit Këshilli Federal i propozon Parlamentit ndryshimin e ligjit përkatës për barazimin e pensionistëve IV me pensionistët...
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas
-
Ish-këshilltari federal paralajmëron: Putini shënjestër do ta ketë edhe Zvicrën