Kultura
Shqiptarozvicerania Nelly Haliti, fituese e çmimit kryesor zviceran për arte pamore
Në mesin e 17 të shpërblyerve për arte pamore është edhe shqiptarozvicerania Nelly Haliti, e bija e piktorit të njohur nga Kosova, Jetullah Haliti-Eti
Zyra Federale për Kulturë (BAK) ka ndarë të martën në Bazel çmimet vjetore zvicerane për artet pamore dhe për disenj. Bëhet fjalë për vlerësimin më të lartë që jepet në Zvicër për këto dy drejtime dhe secili shpërblim përmban edhe vlerën në të holla prej 25 mijë frangash.
Në mesin e 17 të shpërblyerve për arte pamore është edhe shqiptarozvicerania Nelly Haliti.
31 vjeçarja Nelly Haliti është e bija e piktorit të njohur nga Kosova, Jetullah Haliti-Eti dhe jeton e krijon në Gjenevë, Zvicër, shkruan albinfo.ch. Ajo ka mbaruar studimet për pikturë dhe masterin në Akademinë Arteve në Gjenevë. Në po këtë qytet Nelly jeton si artiste e lirë dhe hyn në mesin e artistëve më të shquar të gjeneratave të reja në Zvicër.
Instalacionet dhe teatrologjia janë në qendër të krijimtarisë së artistes së re.
Çmimet janë ndarë të martën në kaudrin e aktiviteteve që janë zhvilluar në Javën e Panairit të Arteve, në Bazel. Në po këtë panair janë ekspozuar ehde veprat artistike të artistëve të shpërblyer, pra edhe të Nelly Halitit.
Çmimet janë ndarë nga niveli më i lartë i vendit, nga presidenti federal, Alain Berset, njëherësh ministër në përgjegjësinë e të cilit bie edhe resori i kulturës,
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit