Shtetasit gjerman i ndalohet vozitja në Zvicër

Ilustrim, Pixabay

Një shtetas gjerman, 20-vjeçar, është kapur nga policia kantonale e Cyrihut derisa po drejtonte veturën me 178 km/h në Neftenbach.

“Policia kantonale e Cyrihut kreu një kontroll shpejtësie në Schaffhausenstrasse, pak para orës 16:30, të dielen, një makinë ka kaluar pikën e matjes në drejtim të Aesch, në vend të 80 kilometrave të lejuara, policia ka matur 178 kilometra në orë”, bëhet e ditur, përcjell albinfo.ch.

Policia gjithashtu njoftoi se nuk do t’ i lejohet më të ngasë veturën e në Zvicër. Ai po ashtu duhet të përgjigjet në zyrën e prokurorit publik në Winterthur/Unterland për kryerjen e një shkelje të shpejtësisë.

“Një ndalim i vozitjes në gjithë Zvicrën iu shqiptua kur u lirua nga paraburgimi”, tha policia, shkruan Blick.