Bota
Shtetet e BE-së e njohin Guaidon president
Mbretëria e Bashkuar, Franca, Gjermania, Spanja dhe vende të tjera të Bashkimit Evropian e njohën zyrtarisht udhëheqësin e opozitës, Juan Guaido, si president të përkohshëm të Venezuelës.
Ky hap vjen pasi presidenti i sfiduar i Venezuelës, Nicolas Maduro, e refuzoi kërkesën e BE-së për të thirrur zgjedhje të parakohshme.
Guaido e ka shpallur veten president të përkohshëm muajin e kaluar dhe ka fituar mbështetjen e Shteteve të Bashkuara.
Rusia, mbështetëse e Maduros, i akuzoi vendet e BE-së për ndërhyrje në çështjet e Venezuelës.
Me rritjen e presionit mbi Maduron për të dhënë dorëheqje, ai tha se nuk mund të përjashtojë mundësinë e luftës civile, shkruan rel, përcjell albinfo.ch.
Në një intervistë televizive, Maduro e paralajmëroi presidentin e SHBA-së, Donald Trump, se “do të largohet nga Shtëpia e Bardhë i njollosur me gjak, nëse ai ndërhyn ushtarakisht në krizë“.
Opozita në Venezuelë është ngritur kundër Maduros prejse ai është rizgjedhur president vitin e kaluar. Sipas opozitës, zgjedhjet kanë qenë jolegjitime, pasi Maduro i ka penguar disa kandidatë të garojnë – disa duke i burgosur.
Si udhëheqës i Asamblesë Kombëtare të Venezuelës, Guaido thotë se Kushtetuta i lejon atij të marrë pushtetin përkohësisht kur presidenti konsiderohet i paligjshëm.
Të ngjashme
Të tjera nga Bota
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?