Shtetet evropiane më skeptike rreth rreziqeve nga koronavirusi

Britanikët janë ndër kombet më së paku skeptik sa i përketë mbylljes së vendit - e thotë një sondazh i bërë në 20 vende evropiane

Ndërsa në Britani janë zhvilluar disa protesta kundër bllokimit muajt e fundit, një sondazh i YouGov tregon se relativisht pak britanikë vënë në dyshim meritat e bllokimit ose rreziqet shëndetësore të koronavirusit në krahasim me vendet e tjera evropiane.

Hulumtimi, i kryer në qershor në 20 vende evropiane, tregon se hungarezët kanë më shumë gjasa të besojnë se bllokimet ‘bëjnë më shumë dëm sesa mirë’, në 42%. Kjo është dy herë më shumë se ata që besojnë se ‘bëjnë më shumë mirë sesa dëm’, në 20%. Tre në dhjetë hungarezët (28%) thonë se ka ndikim të njëjtë në të dyja anët, shkruan YouGov, transmeton Albinfo.ch.

Cilat vende evropiane ka më shumë gjasa të besojnë se bllokimet bëjnë më shumë dëm sesa mirë?

Bindja është e ngjashme në vendet e tjera të Evropës Jugore dhe Lindore. Një e treta e kroatëve (34%), bullgarëve (33%) dhe grekëve (33%) thonë se të metat e bllokimeve tejkalojnë përfitimet – në secilin rast më të larta se proporcionet që besojnë se e kundërta është e vërtetë (19%e kroatëve, 30 % e bullgarëve dhe 26% e grekëve).

Në Britani, vetëm një në gjashtë (16%) janë shprehur se mbyllja ka qenë më e dëmshme sesa e dobishme. Mbi dy në pesë persona (45%) besojnë se përfitimet i kanë tejkaluar disavantazhet, ndërsa tre në dhjetë persona (29%) thonë se është bërë e barabartë në të mirë dhe dëm.

Portugalia dhe Spanja janë vendet më pak skeptike të bllokimit në sondazh, me vetëm 8% dhe 14% respektivisht, duke besuar se kufizimet e koronavirusit bëjnë më shumë dëm sesa mirë.

Sa evropianë besojnë se rreziku shëndetësor nga koronavirusi është mbivlerësuar?

Ndërsa dihet se më shumë se katër milionë njerëz kanë vdekur globalisht nga koronavirusi gjatë pandemisë, kërkimet tregojnë se një pakicë e konsiderueshme në shumë vende evropiane besojnë se rreziku i shëndetit është i ekzagjeruar.

Kjo pikëpamje është më e përhapur në Rumani, ku duke iu afruar gjysmës së popullsisë (46%) thonë se rreziqet nga Covid-19 janë të mbivlerësuara. Pjesa tjetër ose besojnë se janë deklaruar në mënyrë të drejtë (28%), të nënvlerësuar (16%) ose janë të pasigurt (10%).

Rumunët, bullgarët dhe kroatët ka shumë të ngjarë të thonë se rreziku nga koronavirusi është i mbivlerësuar në mesin e 20 vendeve evropiane

Bullgarët (41%), kroatët (38%) dhe grekët (36%) janë gjithashtu ndër më të prirurit që të pajtohen me këtë pikëpamje – të gjitha vendet me skepticizëm të lartë të bllokimit.

Midis britanikëve, një e pesta (21%) besojnë se koronavirusi nuk është aq i dëmshëm sa është menduar të jetë. Gjysma (49%) thonë se rreziqet janë deklaruar në mënyrë të drejtë, ndërsa një tjetër në pesë (19%) thonë se janë nënvlerësuar.

Suedezët dhe portugezët kanë më pak gjasa të besojnë se rreziqet janë ekzagjeruar, përkatësisht në 14% dhe 15%.

Por si u përgjigjën zviceranët në këtë hulumtim?

Në përgjithësi, mendoni se bllokimet që përpiqen të ndalojnë përhapjen e koronavirusit…?

Zviceranët u përgjigjën me përqindje si në vijim.

a) bëjnë më shumë dëm se sa mirë  23 % 

b) bëjnë më shumë mirë se sa dëm  27 % 

c) ka ndikim të barabartë në të dyjat  43 %

d) nuk ka efekt në asnjërën mënyrë  3 %

A mendoni në përgjithësi se niveli i rrezikut për shëndetin nga koronavirusi tenton të jetë …?

a) i mbivlerësuar  33 %

b) thënë në mënyrë të drejtë  47 %

c) nuk e di  7 %

d) nënvlerësuar  13 %

 

---