Shqipëria
Shteti evropian, i shqetësuar nga rritja e azilkërkuesve shqiptarë
Një rritje e kërkesave për azil dhe vonesa në strehimin e refugjatëve, kanë nxitur qeverinë të hap qendra të reja për priten e emigrantëve, masë e marrë për herë të dytë këtë vit
Gjeorgjia dhe Shqipëria janë dy vendet kryesore të origjinës për listën e azilkërkuesve në Irlandë këtë vit, pas ndryshimeve në modelet e migracionit ndërkombëtar.
Në tetë muajt e parë të këtij viti, 299 persona nga Gjeorgjia dhe 235 nga Shqipëria kërkuan azil në Irlandë, shkruan britanikja “The Sunday Times”.
Kjo përfaqëson një rritje prej dy të tretave të numrit nga Gjeorgjia dhe një rritje prej 50 për qind të kërkesave për azil nga shtetasit nga Shqipëria, transmeton ‘Scan’.
Një rritje e kërkesave për azil dhe vonesa në strehimin e refugjatëve, kanë nxitur qeverinë të hap qendra të reja për priten e emigrantëve, masë e marrë për herë të dytë këtë vit, përcjell albinfo.ch.
Ministri i emigracionit dhe integrimit David Stanton javën e kaluar tha se qeveria kishte rritur numrin e hapësirave të tilla me 646 gjatë vitit të kaluar, duke hapur qendrat e pritjes në Lisdoonvarna, Co Clare dhe Moate në Co Westmeath, por që “javët e fundit numri i njerëzve që vijnë në Irlandë për të aplikuar për mbrojtje ndërkombëtare është rritur”.
Trendi i ri ka ngritur shqetësime në qarqet e sigurisë. Një burim sigurie tha se “nuk ka persekutim të njerëzve për arsye etnike ose fetare në Gjeorgji dhe Shqipëri sot.
Ata janë ekonomi në rritje me ambiciet për t’u bashkuar me BE-në. Shqetësimi ynë është që ka elementë të bandës kriminale që hyjnë si pjesë e kësaj tendence të re në procesin e azilit”.
Megjithatë, Këshilli Irlandez i Refugjatëve (IRC) tha se ky trend nuk është vetëm në Irlandë, pasi ka pasur një rritje të kërkesave të popullsisë gjeorgjiane dhe shqiptare edhe në vende të tjera të Evropës, veçanërisht në Francë dhe Gjermani.
“Supozimet e përgjithshme rreth kushteve dhe etiketimit të “vendit të sigurt” janë të rrezikshme dhe në kundërshtim me vlerësimin e individualizuar që kërkon ligji i refugjatëve”, tha shefi ekzekutiv i IRC, Nick Henderson.
“Ne nuk duhet të refuzojmë njerëzit thjesht për shkak të kombësisë së tyre dhe secili rast duhet dëgjuar në mënyrë të drejtë dhe pa paragjykime. Organizatat për të drejtat e njeriut raportojnë çështje të vazhdueshme për të dy vendet, duke përfshirë mungesën e mbrojtjes së policisë dhe diskriminimit ndaj njerëzve LGBT”.
E-Diaspora
-
Shkolla shqipe në SHBA, me qindra nxënës shqiptarë Shkolla Shqipe e fundjavës themeluar në janar 2009 nga një grup mësuesësh e vullnetarësh, pranë qendrës...
-
Mbahet takimi i Kolegjit të kirurgëve të Kësovës me kirurgët nga mërgata
-
Irlandë: Ekspozitë nga artisti shqiptar, Azem Koleci
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja
Jeta në Zvicër
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria “Sfida dhe suksesi në karrierë” ishte tema e simpoziumit të Lidhja e Mjekëve Shqiptarë të Zvicrës...
-
Hana nga Zvicra, Perla që u zbukuron gëzimet tuaja
-
Pensioni i 13-të i AHV-së do të financohet nga kontributet e punonjësve ose nga një rritje e TVSH-së
-
Qendra prezanton dy iniciativa për taksim më të mirë për të martuarit
-
Swissmedic ngre alarmin kundër ilaçeve të paligjshme për humbje peshe