Lajme
Shteti paguan testet PCR për personat e kontaktit të njerëzve të infektuar
Qeveria Federale do të vazhdojë të paguajë shpenzimet e testeve PCR për njerëzit që kanë pasur kontakt të ngushtë me njerëz të infektuar me korona, edhe pasi të jetë hequr karantina e kontaktit
Ata që kanë pasur kontakt me persona të infektuar nuk duhet të jenë më në karantinë. Kjo është vendosur nga Këshilli Federal të mërkurën e kaluar. Zyra Federale e Shëndetit Publik (BAG) ka shkruar tutje se kostoja e testeve PCR për personat e kontaktit me lidhje të ngushta me të infektuarit nuk mbulohej më.
Por, Këshilli Federal ka bërë një saktësim, të premten. Testet për personat që kanë kontakt të ngushtë me ata që kanë rezultuar pozitivë për virusin korona do të vazhdojnë të paguhen nga Qeveria Federale. Testi vazhdon të jetë ende i rëndësishëm për disa njerëz, shton qeveria duke arsyetuar vazhdimin.
Si shembull, ajo përmend njerëzit që i nënshtrohen kimioterapisë. Ata kanë nevojë për një diagnozë të hershme. Pastaj shtëpitë pleqve dhe spitalet varen gjithashtu nga personat kontaktues të personave me infeksion të konfirmuar që vazhdojnë të punojnë, por janë në gjendje të testohen individualisht.
Njerëzit që jetojnë në të njëjtën familje me njerëz të infektuar ose që “kanë pasur kontakt të rregullt dhe të ngushtë në një mënyrë të ngjashme” mund të testohen në llogari të Qeverisë Federale, thotë Urdhëresa 3 e përshtatur tashmë për Covid 19.
Rregullorja do të hyjë në fuqi në mënyrë retrospektive të enjten. Ajo siguron mbulimin e kostos së testeve pas kontaktit të ngushtë me personat e infektuar.
Të ngjashme
Të tjera nga Lajme
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Gjykata Federale: I moshuari ka të drejtë për ndihma, edhe pse ka shpenzuar paratë e veta Zyra e kompensimit i kishte refuzuar kërkesën, sepse ai kishte shpenzuar mbi 120,000 franga nga përfitimet...
-
Pse 1 maji nuk është festë publike kudo në Zvicër?
-
Zvicër: Dy trena janë bllokuar në tunelin midis dy stacioneve
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf