Shqipëria
Shtohet fluksi i hyrjeve në Shqipëri, 90 mijë persona regjistrohen gjatë 24 orëve
Policia Kufitare ka marrë masa për shtimin e sporteleve dhe krijimin e lehtësirave ligjore, me qëllim të eliminimit të radhëve të gjata.
Në pikat kufitare të Shqipërisë me Greqinë në Kakavijë dhe Kapshticë vijon fluksi në hyrje. Gjatë 24 orëve të fundit janë regjistruar 90, 000 shqiptarë dhe të huaj, njëkohësisht edhe 23,400 mjete.
Nga Policia Kufitare janë marrë masa për shtimin e sporteleve dhe krijimin e lehtësirave ligjore, me qëllim eliminimin e radhëve të gjata.
Gjithashtu drejtuesit e Policisë Kufitare kanë kontaktuar me homologët e tyre në doganën greke për të shtuar sportelet, me qëllim lehtësimin e radhëve të gjata, raporton tch, përcjell Albinfo.ch.
Policia greke ka shtuar sportelet dhe aktualisht po punohet me sportele të shtuara, në të dyja pikat e kalimit kufitar, shqiptare dhe atë greke, në Kakavijë e Kapshticë.
Fluks ka pasur dhe në pikat e tjera të kalimit kufitar.
Në aeroportin “Nënë Tereza” dhe të Kukësit kanë hyrë rreth 13,500 shtetas shqiptarë dhe të huaj, në Portin e Vlorës dhe të Durrësit kanë hyrë rreth 12,500 shtetas dhe 2 400 mjete, në Muriqan, në Hanin e Hotit, në Morinë, Bllatë dhe në Qafë Thanë kanë hyrë rreth 41,000 shtetas dhe 14,000 automjete.
Në të gjitha pikat e kalimit kufitar janë shtuar sportelet dhe burimet njerëzore. Gjatë 24 orëve të fundit kanë dalë nga vendi rreth 70,000 shtetas shqiptarë dhe të huaj, si dhe rreth 21,000 automjete./Albinfo.ch
Të tjera nga Shqipëria
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane