Shumica e zviceranëve mbështesin marrëveshjen me Bashkimin Evropian

Pas një sondazhi, del se populli zviceran është pro marrëveshjes me BE-në

Shumica e popullsisë së Zvicrës, mbi 64 për qind, janë në favor të marrëveshjes kornizë që Qeveria zvicerane ka negociuar me BE-në që nga viti 2014, zbulon një sondazh të ri nga instituti i sondazheve “gsf.bern”, transmeton albinfo.ch.

Edhe pse negociatat erdhën në një ngërç në javët e fundit, 54 për qind e të anketuarve besojnë se traktatet dypalëshe janë të dobishme për Zvicrën, ndërsa vetëm 16 për qind shohin më shumë disavantazhe.

Berna dhe Brukseli po kërkojnë të nënshkruajnë një marrëveshje bashkëpunimi të vonuar, por bisedimet goditën një pengesë mbi çështjen e lëvizjes së lirë të njerëzve, e cila lejon qytetarët e BE-së të jetojnë dhe të punojnë në Zvicër dhe anasjelltas. /Albinfo.ch

---