Shkurt.ch

Sivjet, numër rekord kandidatësh për Zgjedhjet Nacionale

Për zgjedhjet nacionale të tetorit në Zvicër kaë kandiduar më shumë kandidatë se kurdoherë deri më tash. Janë gjithsej 3802 burra dhe gra që i kanë hyrë garës, të ndarë në 422 lista të ndryshme. Si për nga numri i kandidatëve ashtu dhe nga ai i listave kjo përbën një rekord në zgjedhjet e deritashme, shkruan nzz.ch duke iu referuar shifrave të bëra publike nga Zyra Federale për Statistikë (BFS).

Në 20 kantone në të cilat zgjedhjet bëhen sipas parimit proporcional, janë gjithsej 3788 kandidatë. Sipas përllogaritjes së bërë nga agjencia e lajmeve sda, në gjashtë kantonet ku garat bëhen në sistemin mazhoritar, nga të cilat del vetëm nga një anëtar i Parlamentit Nacional, janë gjithsej 14 kandidatë të tjerë. Së bashku pra këta e ngrejnë numrin e përgjithshëm në 3802.

Duke qenë se kantonet Appenzell, Glarus dhe Uri ende nuk e kanë bërë mbylljen e afatit për paraqitje, mund të ndodhë që të vijnë edhe disa kandidatë të tjerë.


LAJME INTERESANTE NGA INTERNETI