Bota
S’ka marrëveshje për migrantët
Partitë e koalicionit në Gjermani nuk kanë arritur të zgjidhin mosmarrëveshjet për politikën rreth migrantëve edhe pas disa orëve të debatit të martën.
Ligjvënësi i partisë Kristian-Demokrate, Volker Kauder, ka njoftuar të mërkurën se bisedimet duhet të vazhdojnë ende.
Kur është pyetur nëse tri partitë në koalicion kanë arritur të zgjidhin konfliktin që rrezikon qeverinë tre mujore të kancelares gjermane, Angela Merkel, Kauder ka thënë se “nuk është arritur ndonjë marrëveshje, sepse komitetet e partive do të takohen të dielën”, shkruan “Radio Evropa e Lirë”.
“Çështja është shumë serioze, ne e kemi kuptuar gjatë diskutimeve se nuk po flasim për diçka të vogël, është çështje e rëndësishme. Ne duhet të flasim me njëri-tjetrin”, është shprehur Kauder, përcjell albinfo.ch.
Liderët e 16 shteteve të Bashkimit Evropian kanë diskutuar të dielën për zgjidhjen e krizës së migrantëve në kontinent, mirëpo “mini-samiti” nuk ka rezultuar me ndonjë vendim konkret.
Qindra mijëra persona kanë arritur në Evropë nga viti 2015, kryesisht pasi kanë ikur nga Siria dhe Iraku, duke nxitur tensione në mesin e anëtarëve të bllokut.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit