Sot shënohet Dita Botërore e Mësuesve

(KEYSTONE/Gaetan Bally)

Sot është shënuar Dita Botërore e Mësuesve në gjithë botën.

Sindikata e Bashkuar e Arsimit, Shkencës dhe Teknologjisë në Kosovë ka uruar sot mësuesit me rastin e 5 Tetorit, Ditës Botërore të Mësuesve.

Në këtë 5 tetor përfaqësues të SBASHK-ut janë në Bruksel, në një konferencë ku po diskutohet për një plan strategjik të angazhimit të përbashkët në shërbim të arsimit dhe të forcimit të zërit sindikal.

“Së bashku ne nderojmë mësuesit që kemi humbur gjatë pandemisë COVID, kujtojmë jetën dhe trashëgiminë e tyre dhe rekomandojmë që kushtet e sigurta të punës dhe barazia e vaksinave të bëhen realitet për gjithë globin”, është mesazhi i Sekretarit të Përgjithshëm i Internacionales Botërore të Arsimit, David Edvards, drejtuar sindikatave anëtare.