Sot zhvillohet ndeshja Shqipëri – Spanjë

Nga ora 21:00, Shqipëria do të kërkojë fitoren e kualifikimit për mes 16 më të mirave të Evropës. Përballë do ta ketë Spanjën, një nga skuadrat më të mira në botë që e ka siguruar kualifikimin si e para e grupit B.

Për Kuqezinjtë një fitore në këtë përballje do i përjetësonte ata në historinë evropiane.

Në grupin e ferrit, Shqipëria ka treguar se ka petkun për t’u përballur si e barabartë pavarësisht çdo kundërshtari, qofshin këto dhe skuadra që kanë shkruar historinë në vitet e fundit, përballë Italisë kampione në fuqi, apo Kroacisë që në dy botëroret e fundit është renditur e dyta dhe e treta.

Në Dusseldorf e sigurt është që ngjyrat kuqezi do të jenë dominuese, si brenda dhe jashtë stadiumit. Tifozët Kuq e Zi, janë gati për të dhuruar përsëri spektakël,  e për të treguar se janë zemra dhe shpirti i kësaj skuadre.