Koronavirusi: çast pas çasti

Spitali Universitar i Cyrihut teston edhe pacientët pa simptoma

Spitali Universitar i Cyrihut ka kapacitet për të realizuar deri në 500 teste në ditë. Të gjithë pacientët e rinj duhet të mbahen të izoluar derisa të arrijë rezultatet e testeve të tyre

Për të rritur shkallën e sigurisë për punonjësit dhe pacientët, spitali universitar i Cyrihut planifikon që, duke nisur nga e mërkura (nesër) të fillojë t`ua bëjë testin për koronavirus të gjithë pacientëve të rinj, shkruan srf.ch.

Ajo që është e re në këtë plan është se spitali në fjalë ka ndërmend të testojë të gjithë pacientët, përfshirë edhe ata që nuk kanë asnjë simptomë të sëmundjes me koronavirus, transmeton albinfo.ch. Qëllimi të cilin e ndjek spitali i Cyrihut me këtë vendim është rritja e sigurisë për punonjësit dhe pacientët.

Por këto teste fshehin rrezikun që të testuarit të lihen në siguri të rreme. Kështu mendon infektologu Hugo Sax. Ai u ka thënë  mediave në Spitalin Universitar të Cyrihut të martën se mund të ndodhë që testi të jetë negativ një ditë dhe pozitiv ditën tjetër, përcjell albinfo.ch. Për këtë arsye është e mundur që testi për koronavirus të përsëritet gjatë një qëndrimi më të gjatë në spital.

Spitali Universitar i Cyrihut ka kapacitet për të realizuar deri në 500 teste në ditë. Të gjithë pacientët e rinj duhet të mbahen të izoluar derisa të arrijë rezultatet e testeve të tyre.