Studentët shqiptarë në Belgjikë promovojnë kulturën e tyre

VLERA (Facebook)

Në festivalin “Ballkan Trafik” në Belgjikë u promovua edhe kultura shqiptare, shkruan albinfo.ch.

Në këtë edicion, organizata e studentëve shqiptarë në Blegjikë “Vlera”, paraqitën komunitetin e studentëve dhe kulturën shqiptare. Nga kjo organizatë kanë njoftuar se ky edicion është përmbyllur me sukses.

“Patëm privilegjin të prezantojmë me dinjitet komunitetin e studentëve shqiptarë në Belgjikë, por dhe kulturën tonë shqiptare në përgjithësi. Dëshirojmë të falënderojmë organizatorët, që na bënë partnerë partikuliere të eventit, por gjithashtu gjithë bashkatdhetarët tanë dhe gjithë personat që na kontaktuan dhe ndan eksperiencat e tyre, apo atyre që kërkuan informacion mbi kulturën tonë shqiptare”, thuhet në njoftimin e tyre, përcjell albinfo.ch.

Në këndin e studentëve shqiptarë, po ashtu janë promovuar rekuizita të ndryshme me motive shqiptare, e as veshjet tradicionale nuk kanë munguar.